Kala Utsav 2022 माध्यमिक व उच्च माध्यमिक स्तरावरील विद्यार्थ्यांसाठी कला उत्सव 2022

 Kala Utsav माध्यमिक व उच्च माध्यमिक स्तरावरील विद्यार्थ्यांसाठी कला उत्सव 2022

#kalautsavmah२०२२

Kala Utsav 2022 माध्यमिक व उच्च माध्यमिक स्तरावरील विद्यार्थ्यांमधील प्रतिभा ओळखून त्यांच्या मधील कलागुणांना वाव देण्यासाठी शालेय शिक्षण व  साक्षरता विभाग, शिक्षण मंत्रालय, नवी दिल्ली यांच्यामार्फत सन २०१५-१६ पासून कला उत्सवाचे दरवर्षी आयोजन करण्यात येत आहे. यामध्ये देशातील सर्व राज्य व केंद्रशासित प्रदेश आपला सहभाग नोंदवितात. सन २०२२-२३ मध्ये केंद्र शासनाने कला उत्सवाच्या आयोजनामध्ये शास्त्रीय गायन, पारंपारिक गायन, तालवाद्य वादन, स्वरवाद्य वादन, शास्त्रीय नृत्य, पारंपरिक लोकनृत्य, द्वीमितीय चित्र, त्रिमितीय शिल्प व खेळणी तयार करणे व नाट्य ( भूमिका अभिनय) या १० कला प्रकारांचा समावेश केलेला आहे. 

महाराष्ट्र शासन शालेय शिक्षण व क्रीडा विभाग

राज्य शैक्षणिक संशोधन व प्रशिक्षण परिषद, महाराष्ट्र ७०८ सदाशिव पेठ, कुमठेकर मार्ग, पुणे ४११०३०. जा.क. राशैसंप्रप/कलाक्रीडा / कला उत्सव / २०२२-२३/ दि. ३०/०९/२०२२

प्रति..

१. प्राचार्य, प्रादेशिक विद्या प्राधिकरण, मुंबई

२. प्राचार्य, जिल्हा शिक्षण व प्रशिक्षण

३. शिक्षणाधिकारी (माध्य.) संस्था (सर्व)

४. शिक्षण निरीक्षक (पश्चिम, दक्षिण व उत्तर) मुंबई.

विषय: माध्यमिक व उच्च माध्यमिक स्तरावरील विद्यार्थ्यांसाठी कला उत्सव आयोजित करणेबाबत...

संदर्भ: समग्र शिक्षा कार्यालयाचे पत्र जा. क्र. मप्राशिप / समग्र शिक्षा / कला उत्सव / काअ/ २०२२-२३/२४५१ दि २९ ऑगस्ट २०२२

उपरोक्त विषय व संदर्भीय पत्रानुसार, माध्यमिक व उच्च माध्यमिक स्तरावरील विद्यार्थ्यांमधील प्रतिभा ओळखून त्यांच्या मधील कलागुणांना वाव देण्यासाठी शालेय शिक्षण व  साक्षरता विभाग, शिक्षण मंत्रालय, नवी दिल्ली यांच्यामार्फत सन २०१५-१६ पासून कला उत्सवाचे दरवर्षी आयोजन करण्यात येत आहे. यामध्ये देशातील सर्व राज्य व केंद्रशासित प्रदेश आपला सहभाग नोंदवितात. सन २०२२-२३ मध्ये केंद्र शासनाने कला उत्सवाच्या आयोजनामध्ये शास्त्रीय गायन, पारंपारिक गायन, तालवाद्य वादन, स्वरवाद्य वादन, शास्त्रीय नृत्य, पारंपरिक लोकनृत्य, द्वीमितीय चित्र, त्रिमितीय शिल्प व खेळणी तयार करणे व नाट्य ( भूमिका अभिनय) या १० कला प्रकारांचा समावेश केलेला आहे. त्यामुळे सन २०२२- २३ मध्ये राज्याच्या १० कला प्रकारांचे १० संघ राष्ट्रीय पातळीवर होणाऱ्या Online कला उत्सवासाठी १० डिसेंबर २०२२ पर्यंत नामनिर्देशित करावयाचे आहेत. राज्याच्या संघ निवडीसाठी वर नमूद कला प्रकारांमध्ये ऑनलाईन स्पर्धा आयोजित करण्यात येत आहे.

कला उत्सवामध्ये राज्यातील सर्व माध्यमाच्या, सर्व व्यवस्थापनाच्या शाळांमधील ९ वी ते १२ वी मध्ये शिकणारे विद्यार्थी सहभागी होऊ शकतील. सर्व कला प्रकारांमध्ये विद्यार्थ्याचा वैयक्तिक (Solo) सहभाग असणार आहे. कला उत्सव स्पर्धेचे निकष सोबत जोडण्यात येत आहेत.. अधिक माहितीसाठी या स्पर्धेबाबतच्या मार्गदर्शक सूचना http://www.kalautsav.in या वेबसाईटवर उपलब्ध आहेत.

विद्यार्थ्यांसाठी सूचना:-

• एक विद्यार्थी केवळ एका कला प्रकारातच सहभाग घेऊ शकतो... सहभागी स्पर्धकांनी सोबत जोडलेल्या निकषांचे वाचन करावे.

1) कोणत्याही कला प्रकारच्या स्पर्धेत भाग घेण्यासाठी विद्यार्थ्यांनी शिक्षकांच्या मार्गदर्शनाखाली तयारी केलेली असावी. व्यावसायिक कलाकारांचा सहभाग अथवा त्यांची मदत घेता येणार नाही, असे निदर्शनास आल्यास सदरील प्रवेशिका रद्द केली जाईल.

2) निकषात नमूद केल्यानुसार ४ ते ६ मिनिटांचा व्हिडीओ मोबाईल अथवा कॅमेराद्वारे तयार करावा. 

3)  व्हिडिओमधील चित्र व आवाजात स्पष्टता असावी. तयार केलेला व्हिडीओ व चित्र, शिल्प, खेळणी तयार करणे या कलाकृतींचे सोबत ५ फोटो विद्यार्थ्यांने स्वतच्या / पालक/ शिक्षकाच्या फेसबुक, इंस्टाग्राम, द्वीटर किंवा यु टूब अकाऊंट वरून #kalautsavmah२०२२ या हॅशटॅगचा वापर करून दि. २० ऑक्टोबर २०२२ संध्याकाळी ५ वाजेपर्यंत पोस्ट करावा. व्हिडीओ पोस्ट करताना विद्यार्थ्यांने आपले नाव, इयत्ता, शाळेचा पत्ता, शाळेचा Udise क्रमांक, तालुका, जिल्हा, मेल आय डी. संपर्क क्र. व भाग घेत असलेला कला प्रकार इ. उल्लेख करावा.

4) पोस्ट Public असावी. ई मेल पत्ता स्वत:चा नसेल तर पालक / शिक्षक यांचा ई मेल वापरावा. फेसबुक, इंस्टाग्राम, ट्वीटर किंवा यु टूब अकाऊंट वरून व्हिडीओ पोस्ट करताना प्राप्त झालेली कोणतीही एक लिंक copy करून ठेवावी. • तदनंतर विद्यार्थ्यांने आपली नोंदणी https://scertmaha.ac.in/kalautsav / या पोर्टल जाऊन करावी. नोंदणी मधील सर्व माहिती विद्यार्थ्यांने बिनचूक व पूर्ण भरावी. •

5) ही नोंदणी करताना फेसबुक, इंस्टाग्राम वीटर किंवा यु टूब अकाऊंटवर व्हिडिओ पोस्ट करताना यापैकी प्राप्त झालेली कोणतीही एकच link नमूद केलेल्या ठिकाणी Paste करावी.

6)  एका स्पर्धेसाठी एका विद्यार्थ्यांची एकच पोस्ट असावी. तसेच एका विद्यार्थ्याला एका वेळी एकाच स्पर्धेत भाग घेता येईल. कला उत्सव स्पर्धेमध्ये राज्य स्तरापर्यंत पोहोचलेल्या विद्यार्थ्याला परत भाग घेता येणार नाही. आपल्या सादरीकरणाची पूर्ण जबाबदारी स्पर्धकाची असेल.

7)  एका वेळी एका पोस्टमध्ये एकाच विद्यार्थ्यांचे / पाल्याचे एकाच स्पर्धेचे साहित्य अपलोड करावे. एकापेक्षा जास्त विद्यार्थ्यांचे साहित्य अपलोड केल्यास / पोस्ट केल्यास सदर प्रवेशिका ग्राह्य धरली जाणार नाही.

8)  विद्याथ्र्यांच्या / पाल्याच्या व्हिडीओ सादरीकरणामध्ये कोणताही चुकीचा आशय / आक्षेपार्ह विधान केले जाणार नाही याची दक्षता घ्यावी.

7)  #kalautsavmah२०२२ हा हॅशटॅग लिहिताना अक्षरात कोठेही स्पेस देऊ नये, हॅशटॅगचे स्पेलिंग चुकवू नये.

जिल्हा शिक्षण व प्रशिक्षण संस्था यांच्यासाठी सूचना:

जिल्ह्यातील सर्व पात्र माध्यमिक व उच्च माध्यमिक शाळांमधील विद्यार्थ्यांनी कला उत्सवामध्ये सहभागी व्हावे यासाठी प्राचार्य, जिल्हा शिक्षण प्रशिक्षण संस्था व शिक्षणाधिकारी (माध्य.) यानी शाळा मुख्याध्यापकांसाठी संयुक्त सहीचे एक परिपत्रक निर्गमित करून कला उत्सवाबाबतची माहिती आपल्या कार्यक्षेत्रातील सर्व शाळांना द्यावी.

• जास्तीत जास्त दिव्यांग विद्यार्थी या स्पर्धेमध्ये सहभागी व्हावेत यासाठी कार्यवाही करावी.

राज्यभरातून प्राप्त झालेली नामनिर्देशने व व्हिडीओ याची यादी राज्यस्तरावरून जिल्हानिहाय, जिल्हा शिक्षण प्रशिक्षण संस्थाना दि. २२ ऑक्टोबर २०२२ रोजी पुरविली जाईल.

• प्राचार्य, जिल्हा शिक्षण व प्रशिक्षण संस्था यांनी जिल्ह्यातील प्राप्त नामनिर्देशनामधून योग्य विद्यार्थ्यांच्या निवडीसाठी प्रत्येक कलाप्रकारनिहाय दोन परीक्षकांची एक निवड

समिती जिल्हास्तरावर स्थापन करावी. (एकूण १० कला प्रकार) दि.१ च २ नोव्हेंबर २०२२ रोजी ( प्रवेशिकांच्या संख्येनुसार नुसार १/२ दिवस ) राज्यस्तरावरून पुरविलेल्या व्हिडीओचे परीक्षण करून परीक्षकांनी जिल्हास्तरावर प्रत्येक कला प्रकारात सर्वोत्कृष्ट १ विद्यार्थी व १ विद्यार्थिनी अशा १० कला प्रकारात २० विद्याथ्र्यांची निवड ठरवून दिलेल्या निकषानुसार गुणदान करून करावी.

जिल्हास्तरावरील कलाप्रकार निहाय सर्वोत्कृष्ट म्हणून निवडलेल्या मुलांची नावे या कार्यालयास दि. ३ नोव्हेंबर २०२२ रोजी संध्या. ५.०० पर्यंत कळवावी. मुंबई शहर व उपनगरामधील विद्यार्थी निवडीची प्रक्रिया प्राचार्य, प्रादेशिक विद्या प्राधिकरण, मुंबई यांनी करावी.

• जिल्हास्तरावरील परीक्षकांना मानधन प्रत्येकी रु.५००/- प्रतिदिन प्रस्तावित आहे.. तसेच स्टेशनरी व किरकोळ खर्चासाठी साठी रु. ५००/- प्रस्तावित आहेत. याबाबत कळविले जाईल.

राष्ट्रीय स्तर स्पर्धा : जिल्हास्तरावरून निवडण्यात आलेल्या सर्वोत्कृष्ट संघामधून राज्याच्या संघ निवडीसाठी प्राप्त नामनिर्देशने व व्हिडिओ यांची तपासणी राज्यस्तरीय तज्ञ समितीमार्फत करण्यात येईल. राज्यस्तरीय सादरीकरणातून प्रत्येक कलाप्रकारासाठी १ विद्यार्थी व १ विद्यार्थिनी अशा १० कलाप्रकारामध्ये २० विद्यार्थ्यांची अंतिम निवड करून राष्ट्रीय स्तरावर त्यांची नामनिर्देशन पाठविण्यात येतील. राज्यस्तरावरून राष्ट्रीय स्पर्धेसाठी निवड झालेल्या स्पर्धकांना भुवनेश्वर, ओडिशा येथे ३ ते ७ जानेवारी २०२३ या कालावधीत उपस्थित राहावे लागेल, याबाबतची माहिती स्वतंत्रपणे कळविली जाईल. राष्ट्रीय स्तरावरील स्पर्धा ह्या प्रत्यक्ष होणार असल्याने निवड झालेल्या विद्याथ्र्यांना याबाबतही स्वतंत्रपणे कळविले जाईल. अधिक माहितीसाठी श्री. सचिन चव्हाण वरिष्ठ अधिव्याख्याता मो. क्र. ९६२३०२७४५३ व श्रीम. पद्मजा लामरुड, विषय सहायक, मो.क्र. ९८२२०९६१०७ या क्रमांकावर संपर्क साधावा.

 (डॉ. नेहा बेलसरे)

उपसंचालक राज्य शैक्षणिक संशोधन व प्रशिक्षण परिषद महाराष्ट्र, पुणे ३०

प्रत माहितीस्तव सविनय सादरः

मा. सचिव, शालेय शिक्षण व क्रीडा विभाग, मंत्रालय, मुंबई.

मा. राज्य प्रकल्प संचालक, महाराष्ट्र प्राथमिक शिक्षण परिषद, मुंबई. • मा. आयुक्त (शिक्षण), शिक्षण आयुक्तालय, मध्यवर्ती इमारत, पुणे १